Undirbúningur æfingaaðstöðu á Hellu

Endilega skoðið neðangreint og mætið þegar og ef þið getið.  Ef eitthvað er óljóst má hafa samband við Guðbjörgu prest, hún heldur utanum þetta:

 

Sæl og blessuð öll!

 

Þakka góð viðbrögð við síðasta bréfi.

Nú er að koma betri mynd á skipulag vinnunnar við salinn.

Búið er að flota stóra salinn og á morgun mun Þorsteinn Ragnarsson rykbinda gólfið, þó fyrirvarinn sé stuttur þá vildum við athuga hvort mögulega séu einhverjir tveir á lausu í fyrramálið við að aðstoða hann.

Næstu skref eru á þessa leið og höfum við sett niður hvaða félög við óskum sérstaklega eftir í verkin og er það í samræmi við hvað þau félög sem búin eru að hafa samband hafa boðist til að gera.

Á miðvikudag er hægt að byrja á þrifum á salnum, veggjum og lofti.

Spasla í veggina.

Mála gluggana.

Á fimmtudag og föstudag er hægt að mála og laga veggina.

Sömuleiðis að aðstoða við að flytja og forfæra húsgöng í salinn.

Við þessa vinnu vildum við sérstaklega biðja Samkórinn, Kvennakórinn, Leikfélagið og Kvenfélagið Unni að aðstoða við.

Á miðvikudag verður einhver í salnum frá kl. 17:00.  Ef einhverjir vildu byrja fyrr er hægt að hafa samband við mig, ég verð hérna á skrifstofunni alltaf eitthvað þessa daga, sömuleiðis við Þorstein Ragnarsson í síma 897 5912.

Í næstu viku stefnum við á að hefja smíðavinnu undir verkstjórn Braga Gunnarssonar og vildum við óska eftir aðstoð Harmonikufélagsins og Karlakórsins við það.  Þeir sem geta gengið í þá vinnu væri best að heyra i Braga í síma 487 5812.

Varðandi gardínur þá vildum við biðja þau sem sérstaka hæfni og áhuga hafa á þeim málum að hafa samband við Heiðrúnu Ólafsdóttur í síma 846 7030 og aðstoða við að taka mál vegna gardínustanga, velja efni og sauma.

Þegar veður leyfir vildum við óska eftir aðstoð við að mála stafna á vestur og austuhluta hússins og væri gott að fá aðstoð Ungmannafélagsins Heklu við það.

 

Með mikilli tilhlökkun um gott og farsælt samstarf

kveðjur

Guðbjörg